Bilang isa sa mabilis na sumikat na sexy star sa panahon ng pandemya, sinabi ng aktres na si AJ Raval na hindi siya napi-pressure sa pagpasok ng mga bagong seksing aktres na ini-launch kamakailan sa Vivamax.
“Honestly hindi. Yung mga kilala kong kaibigan ko na naging star, pare-pareho kami ng manager. Yang sila Angeli Khang, sinusuportahan ko sila and also, kahit nag-sa-start pa lang sila, may natututunan ako sa kanila eh pag pinapakinggan ko sila. At saka wala rin naman sa vocabulary ko yung pakikipag-compete. And siguro masasabi ko rin na nag-iisang competitor ko is yung sarili ko rin,” ibinahagi niya sa media conference para sa kanyang Vivamax original film na Hugas.
Sa pagsisimula ng bagong taon na may positive views, sinabi ni AJ na ayaw niyang ituring ang sarili bilang isang kontrobersyal o sikat na celebrity. Ang gusto niyang ma-achieve para sa 2022 ay kilalanin bilang isang magaling na aktres at hindi lang sexy starlet.
“Honestly, hindi ko tinitingnan yung sarili ko na maingay yung pangalan. Yun yung number [one] na tinuro sa akin ng tatay ko na huwag ko ipapasok sa isip ko na kilala ako. Pero this year I’m hoping na sunod sunod pa rin yung projects, maging successful yung movie, yan yung niri-reach ko this year and siyempre, self-improvement this year. Sarili ko lang yung iniisip ko muna ngayon. Mas maging magaling ako sa work, mas maging maayos, ayun. Gusto kong makilala hindi lang sa pagpapa-sexy, siyempre gusto ko makilala na magaling sa acting at may talent. Yun yung gino-goal namin ni Sean (de Guzman) this year. Napag-usapan namin yun. Gusto pa namin lumawak yung career namin,” pag-amin niya pa.
Kapag hindi abala sa pagtatrabaho sa set, sinabi ni AJ na gusto niyang itutok ang kanyang atensyon sa kanyang sasakyan.
“Ngayon ang pinagkakaabalahan ko pampalipas oras ko is nag-se-setup ako. Nagu-upgrade, nagpapalit ako ng mags, bumper. Sinasabayan ko din na nag-va-vlog ako pag walang ginagawa. Nag-wo-workout din ako. Nag-ta-training na ako ng Muay Thai,” dagdag niya.
Hugas stars AJ Raval, Sean de Guzman, Cara Gonzales, Stephanie Raz, Deberly Bancore, Jay Manalo, Bob Jbeili, and Joko Diaz. Sa direksyon ni Roman Perez. Upang mag-stream ng Hugas pumunta sa web.vivamax.net o i-download ang app at mag-subscribe sa pamamagitan ng Google Play Store, App Store, o Huawei App Gallery.
Watch Full Video Here:
Walang komento
Mag-post ng isang Komento
Share your opinion now!