Nag-react si Lolit Solis sa pagwawasto ni Jugs Jugueta sa kanyang post tungkol sa “power-tripping” ni Vice Ganda sa noontime program ng ABS-CBN na “It’s Showtime”. Ayon kay Jugs, dapat humanap ng bagong source si Lolit para sa kanyang celebrity news dahil taliwas sa kanyang post, walang power trip si Vice at nagkakasundo ang mga host ng show. Matapos basahin ang komento ni Jugs, nagpasalamat si Lolit sa pagwawasto sa kanya at pagbabahagi ng katotohanan. Sabi ng showbiz writer, malaya ang mga sinusulatan niyang celebrities na itama siya kapag nagkamali siya. Ipinahayag din niya ang kanyang kaligayahan na maayos na ang lahat sa mga host ng Kapamilya show.
“Appreciate ko iyon comment ni Jugs sa IG post ko about Vice Ganda, Salve. Sabi niya, hindi tutoo ang mga kumakalat na balita na marami ang discontented dahil sa mga nagaganap na power tripping sa Showtime. “According kay Jugs happy lahat sila sa Showtime. Well and good. Mabuti naman kung tutoo dahil sayang din di ba, medyo matagal narin ang Showtime sayang kung mawawala ito dahil lang may gusto mag power trip. “Lalong sayang kung babagsak si Vice Ganda dahil lang sa pagbabago ng ugali eh bihirang mangyari na nagkaruon ng celebrity na tulad niya na tinanggap ng publiko. Dapat talaga na maging maganda ang samahan nila dahil araw araw silang magkasama, dapat para na silang magkapatid. “Sana lahat ng celebrity tulad ni Jugs may oras para ituwid iyon nabasa nila, mas appreciate namin iyon. Puwede naman kasi na mali ang information na nakuha namin, at puwede naman itong ituwid. Thank you Jugs for your time. Appreciate much,” post ni Lolit sa instagram.
Isa sa mga kontrobersyal niyang viral post ay tungkol kay Heaven Peralejo. Nag-post si Lolit na humingi ng P100,000 si Heaven kay Senator Manny Pacquiao at si Jinkee ang nagpadala ng pera sa young actress. Gayunpaman, pinabulaanan ni Jinkee, Jimuel, at ni Heaven ang ulat ni Lolit. Dahil dito, nagpasya si Lolit Solis na mag-isyu ng public apology para sa kanyang post. Sa kabila ng kanyang mga ups and downs, ang mga post ni Lolit ay patuloy na nakakaakit ng mga netizens.
Watch Full Video Here:
Walang komento
Mag-post ng isang Komento
Share your opinion now!