Sue Ramirez, umaming may feelings kay Zanjoe simula pagkabata; Sue, masayang tawaging kabit ni Zanjoe

Inamin ng aktres na si Sue Ramirez na dahil sa sobrang crush niya ang co-star na si Zanjoe Marudo, mas naging madali para sa kanya ang panunukso sa karakter ng aktor sa upcoming series ng ABS-CBN na “The Broken Marriage Vow.” Gagampanan ni Ramirez si Lexy Lucero, ang kabit ni David Ilustre, na asawa ni Dr. Jill Ilustre at ama ni Gio Ilustre.

Bilang isang kabit ni Zanjoe Marudo, ikinagagalak ni Ramirez na ibahagi ang kanyang pag-acting sa screen kasama ang kanyang all-time celebrity crush kung saan nagawa niyang ichannel ang lahat ng kanyang emosyon para sa aktor.

“May mga emosyon tayo na hindi natin pwede pigilan, guys. So, dahil crush ko si Z, kailangan kong i-channel 'yung emotion ng kilig, ng gigil din. Tapos lagyan mo ng kaunting spice, landi ganon. At nakatulong sa 'kin na crush ko siya kasi hindi na mahirap i-desire siya dahil crush ko nga,” sinabi ng aktres sa isang virtual press conference noong Miyerkules.

Ayon kay Ramirez, inalagaan siya ng mabuti ni Marudo habang nagfi-filming sila sa Baguio City, kaya naging komportable siya, lalo na sa ilang intimate love scenes.

“Hindi na kami nahirapan sa mga gano'n kasi sobra din akong inalalayan ni Z. Siya 'yung type ng person na pag nakilala mo, may tiwala ka na sa kanya. Ganun po siya kabuting tao,” kanyang isiniwalat.

Gumagawa rin ng hakbang si Marudo para magkaroon ng magandang relasyon sa young actress, ani Ramirez.

“Alam niya 'pag nahihirapan ako, mag-a-adjust talaga siya. Dahil nga torpe, tsina-chummy niya ko bago kami mag-take. Nakikita ko naman 'yung mga extra effort na ganun. Very grateful ako na, ang lalaki nung love scenes, pero hindi ko naramdaman na kinailangan ko mailang. Hindi niya ko binigyan ng dahilan para maramdaman iyon,”

Hiniling din daw sa kanya ni Marudo na huwag na siyang tawaging “Kuya” na sinusubukang sundin ng aktres sa tuwing nakakasalamuha siya nito. Sinabi rin ni Ramirez na pinaalalahanan siya ng aktor na itigil na ang pagkakaroon ng crush sa kanya dahil siya ay 25 years old na.

“Sabi niya sa 'kin, hindi ko na raw siya pwede maging crush kasi matanda na daw ako. Tapos na-realize ko na 25 na nga ako, okay pa ba 'to na happy crush? Iba po talaga ang paghanga ko kay Zanjoe,” Paliwanag ni Ramirez.

“Bata pa lang ako at hindi pa artista, siya na talaga ang showbiz crush ko.”

Makakasama ang “The Broken Marriage Vow” sa lineup ng Kapamilya Primetime Bida simula January 24 at 8:40 p.m.

Watch Full Video Here: