Aga Muhlach open sa muling pagbabalik showbiz ng kanyang asawa na si Charlene Gonzales

Madalas na mapanood noon ang pamilya ni Aga Muhlach at Charlene Gonzales sa mga patalastas ng sikat na fast food chain na Jollibee. Ngunit bago pa man dito ay gumawa na ng kani-kanilang pangalan sina Aga at Charlene. Sina Aga at Charlene ay may dalawang anak sina Atasha at Andres. Si Aga ay kilala bilang gwapo at magaling na aktor. Ang kanyang asawa naman na si Charlene ay nakilala sa buong mundo dahil sa kanyang pagsali sa Miss Universe. Bukod pa rito ay pumasok rin si Charlene sa showbiz kung saan nakilala siya sa kanyang galing sa paghohost, pagsayaw at pag-arte.

Kamakailan lang ay nagkaroon ng media conference si Aga para sa kanyang show na 'Bida Kayo Kay Aga', dito sinabi niya na ready nang magbalik sa trabaho ang kanyang asawang si Charlene lalo na't nasa ibang bansa ngayon ang kanilang mga anak upang doon ipagpatuloy ang kanilang pag-aaral sa kolehiyo.

"I think she's ready to work naman because the kids are away,"ani Aga.

Pabirong sabi pa nga ni Aga na sana ay kunin din ito ng Net25. Bukod pa dito ay sinabi ni Aga na kay Charlene naman ang desisyon kung gusto niya ulit magtrabaho or maghost ng isang show.

Sa ngayon ay abala si Aga Muhlach sa paghohost ng kanyang game show na 'Tara Game Agad Agad' at may paparating pa siyang isang show na 'Bida Kayo  Kay Aga'. Ang mga naturang show ay proyekto at ipapalabas sa Net25. Sinabi ni Aga na masaya siya sa kanyang proyekto ngayon dahil sa pamamagitan nito ay napapasaya niya at natutulongan ang masa at mga nangangailan na katulad na lamang ng mga security guards, kasambahay, vendors at marami pang iba.

Ayon kay Aga,

"Itong programang ito ay para sa inyo. Gusto ko magenjoy kayo. Masaya kayo, silang mga contestants natin. Nakakausap ko sila from security guards to kasambahay, mga market vendors at marami pa 'yan. Iba iba 'yan."

Samantala marami sa mga fans ni Charlene ang nag-aabang sa kanyang pagbabalik sa showbiz.