Muling nagsalita si Jeric Raval sa controversial lovelife ng kanyang anak na si AJ Raval.
Inuusisa pa rin ng marami ang relasyon ni AJ Raval sa strange husband ni Kylie Padilla na si Aljur Abrenica. Ito ay matapos aminin ng sexy actress na nililigawan siya ni Aljur. Sa kamakailang interview ni Jeric Raval sa radio program na, 'Sa Totoo Lang' tinanong muli ang action star tungkol sa love life ng kanyang anak. Pabor at pumapayag nga ba siya sa panliligaw ni Aljur kahit na malaki ang agwat ng edad ng mga ito? Si Aljur ay 31 years old na habang ang kanyang anak na si AJ ay 21 years old pa lamang.
"Pagdating kasi sa ganyan, yung mga buhay pag-ibig ng mga anak natin, hindi na natin saklaw iyan. Halimbawa kahit ayaw ko, wala naman akong magagawa. Matanda na yung anak ko. Tatlong bagay lang naman ang tinanong ko kay Aljur. Ang una, tinanong ko lang, 'Nililigawan mo ba ang anak ko? Ang sagot niya'y Oo. Ikaw ba'y hiwalay? Ang sagot niya'y Oo. At pangatlo, Anong sasabihin ko sa biyenan mo pag aksidenteng nagkita kami? Sabi ko, 'Mamaya ang dating sa tao e third party ang ang anak ko. Hindi naman third party ang anak ko. Yun lang naman ang akin doon sa relasyon nila."
Hindi na nagbigay ng karagdagang detalye si Jeric Raval sa sagot ni Aljur sa kanyang ikatlong tanong ngunit nag-aalala ang aktor sa muling pagkikita nila ng kaibigang si Robin Padilla ang ama ng hiniwalayang asawa ni Aljur. Sa huli makikitang ang gusto lamang ni Jeric ay malinis ang pangalan ng kanyang anak na si AJ Raval.
Matatandaang magkasama sina Aljur at AJ noong Valentine's day sa isang hotel sa Leyte. Sa isang facebook post ng Haiyan Hotel and Resort sa Tanauan, Leyte, makikita sina Aljur at AJ kasama ang isang staff ng hotel. Hanggang ngayon ay tikom pa rin ang bibig ng dalawa sa totoong relationship status nila. Sa panig ni AJ ay cool lamang daw sila ni Aljur sa isa't isa dahil may mga bagay pa umanong dapat unahin kaysa sa isang seryosong relasyon. Ang biyahe nila umano sa Tanauan, Leyte noong February 14 ay trabaho at hindi Valentine's day vacation.
Naging sentro ng kontobersiya si AJ Raval nang aminin nitong nanliligaw sakanya si Aljur na kagagaling palamang sa hiwalayan sa asawa nitong si Kylie Padilla. Itinanggi naman na ni AJ na siya ang third party kaya nasira ang pagsasama ng mag-asawa. Matapos ang mga kontrobersiyang kinasangkutan, dahil sa hiwalayan nila ni Aljur inamin ni Kylie na nagka-ayos na sila ng aktor ngunit malabo nang magkabalikan bilang mag-asawa at maging magulang nalng din sila para sa kanilang dalawang anak.
Watch Full Video Here:
Walang komento
Mag-post ng isang Komento
Share your opinion now!