Gumanti Si Skusta Clee Kay Zeinab Harake! | Zeinab , Deadma Lang!

Tila matutuldokan na talaga ang relasyon nina Skusta Clee at Zeinab Harake, ito ay matapos burahin ni Skusta Clee ang mga pictures ni Zeinab sa kanyang social media accounts. Kamakailan ay naging usap usapan na rin na nag-unfollow si Zeinab sa Instagram ni Skusta Clee. 

Maging ang mga larawan nila ng rapper ay burado na rin sa kanyang Instagram account. Kaya hinuha ng marami na naghiwalay na ang dalawa. Noong una'y nanatili pang naka follow si Skusta kay Zeinab ngunit nitong mga nakaraang araw lang ay burado na rin ang mga larawan nila ni Zeinab sa kanyang Instagram account. 

Sa Instagram account ni Skusta ay wala na rin ang mga larawan nila ni Zeinab at ang mga larawan mismo ni Zeinab. Hindi naman malinaw kung naka archive o tuluyang burado na nga ba ang mga ito. Ang mga naiwang larawan na lamang na magkasama sila ni Zeinab ay noong mga nakaraang taon pero ang mga recent photos nila ay wala na. Mas lalo tuloy umingay ang mga bulong bulungan na hiwalay na ang dalawa.

Ayon pa sa ilang mga netizens tila gumanti si Skusta Clee sa ginawang pagbura ni Zeinab sa kanilang mga larawan sa Instagram account kaya maraming mga fans nila ang nalungkot dito lalo na at magdidiwang ng first birthday ang anak nilang si Bia next month. Nakakalungkot umano na hindi na buo ang kanilang pamilya sa kaarawan nito.

Samantala, sa gitna ng mga kinakaharap na mga kontrobersiya ni Zeinab ngayon, kapansin pansin na lalong naging blooming ito. Ito ang napansin ng mga netizens dahil sa mga larawan na ibinabahagi ni Zeinab sa kanyang mga social media accounts. 

Sa latest post niya sa Facebook, kitang kita at litaw na litaw din ang kagandahan ng vlogger. May nagsabi nga rin na mas lalo raw naging fresh si Zeinab matapos lumabas ang isyung hiwalay na sila ng rapper na si Skusta Clee. Ilang araw din ang lumipas ay ibinahagi ni Zeinab na nakunan siya sa pangalawang baby sana nila ni Skusta Clee. 

Nagpost din siya ng larawan na mukha siyang living barbie doll. Sa tweet naman niya ay tila may bagong hairstyle at hair color si Zeinab. May bangs at blonde na rin ito. Kaya naman komento ng mga netizens na gumanda pa lalo si Zeinab ngayong nagkakalabuan sila ni Skusta. 

Komento pa ng ilan na tingnan daw ng mabuti ni Skusta ang kanyang sinayang dahil sadyang napakaganda ni Zeinab. Partida pa umano ito, dahil nasa healing process pa ang Mommy ni Bia.