Reaksyon Ni Jaclyn Jose Sa Natatanggap Na Batikos Ng Iglesia Ni Cristo Dahil Sa Pag-Endorso Kay Bbm

Myembro ng Iglesia ni Cristo ang 2016 Cannes Film Festival best actress na si Jaclyn Jose. 

Siya ang kauna unahang popular showbiz personality na nagtanggol laban sa mga batikos na natanggap ng kanyang kinaanibang religious group mula nang opisyal na idineklara ng INC na sina Ferdinand Marcos Jr. at Sara Duterte ang presidential at vice presidential aspirants na susuportahan sa darating na election. 

Mabilis na nagtrending sa Twitter Philippines ang Iglesia ni Cristo ilang minuto matapos ilabas ng pamunuan nito ang listahan ng mga kandidatong kanilang iboboto noong May 3, 2022. 

Nakatanggap ng batikos at pamumuna ng mga netizens at maging sa ilang kaanib umano ng INC ang piniling mga kandidato ng religious group. Karamihan sa mga bumabatikos ay sumusuporta sa mga kandidatora nina Vice President Leni Robredo at Senator Kiko Pangilinan. 

Noong myerkules ng gabi May 4, 2022, ginamit ni Jaclyn ang Instagram niya upang ilabas ang saloobin at dipensahan ang kanyang kinaanibang religious group laban sa mga batikos. Kalakip ng kanyang post ang larawan ni Marcos Jr. na may hawak ng bandila ng Pilipinas at nasa tabi ng isang malaking tigre. Pahayag ng aktres, 

"I just want to defend our vote watching a channel na parang di na maganda sinasabi sa INC. Na para bang nasa 10 commandments na at foul na talaga. Pasensya na po. Nasasaktan lang. Ganun po talaga kami. Sobra na po, sana wala namang sakitan ng religion. Wala ako sa posisyon magsalita, may mga leader po kami na makakapagpaliwanag. Ganun po talaga kami mga miyembro nagkakaisa. Wala na po kayo magagawa. Ang respeto namin ay nasa aming pagkakaisa bilang Iglesia. Sorry po. May malalim po kaming pag-uunawa ukol sa mga bagay na ito. Salamat po."

Hindi naman pinangalanan ni Jaclyn ang channel na kanyang tinutukoy.