Usap usapan ngayon sa social media ang pagkikita nila Sandro Marcos at dating COMELEC Commissioner Rowena Guanzon.
Kilalang kritiko ni Presumptive President Ferdinand Marcos Jr. si Guanzon. Hindi na kaila sa publiko ang mga ginawang patutsada nito kay Bongbong Marcos nitong nakaraang kampanya.
Nitong sabado ng tanghali ay nagkita sina Rowena Guanzon na ngayon ay isa nang Representative ng isang party list at Sandro Marcos, anak ni Bongbong Marcos. Matatandaang nanalo rin ngayong halalan si Sandro bilang 1st District Representative ng Ilocos Norte.
Kusang lumapit, binati at kinamayan ni Sandro si Gng. Rowena Guanzon. Kahit kilalang kritiko ng kanyang ama ay nilapitan pa rin at nagpakita ng galang ang batang Marcos kay Rowena Guanzon.
Ngumiti naman si Rowena kay Sandro, subalit hindi sila nagkaroon ng pagkakataon na makapag-usap. Ang dalawa ay nagkatagpo sa Party list Coalition sa Makati nitong May 14 para iendorso si Leyte Representative Martin Romualdez bilang susunod na House Speaker.
Umani naman ng papuri ang ginawang ito ni Sandro mula sa mga netizens. Nagpapakita ito ng paggalang at respeto. Isang katunayan na maganda at maayos ang pagpapalaki sa kanya ng kanyang mga magulang.
Walang komento
Mag-post ng isang Komento
Share your opinion now!