Viral ang video na sinisingil ng isang lalaki si incoming Sen. Alan Peter Cayetano sa pangako nito na P10,000 cash sa lahat ng pamilyang Pilipino.
Sa nasabing video, makikita si Cayetano at asawa nitong si Taguig Mayor-elect Lani Cayetano na naglalakad sa isang di-pinangalan na mall. Agad itong nilapitan ng video uploader at ipinaalala ang pangakong ayuda.
"Sir, P10K ko, Sir... Sir, P10K," sabi ng netizen.
Hindi naman siya pinansin ng senador at dumiretso lang nang lakad. Hindi na ito sinundan at kinulit ng netizen dahil mayroon itong kabuntot na bodyguard.
Matatandaan na naghain si Cayetano, ang outgoing Taguig-Pateros representative, ng panukala na bigyan ng P10,000 ayuda ang bawat pamilyang Pilipino sa kasagsagan ng pandemya noong Mayo 2021.
"May consensus naman talaga ang buong Pilipinas na kailangan ng P10-K ayuda ng mga Pilipino at ito’y mabuti sa ekonomiya at ito ay mabuti sa pamilya," aniya sa panukalang batas.
Hindi naman naipasa ang P10K Ayuda Bill sa Kamara, pero paulit-ulit pa rin siyang sinisingil ng publiko.
Walang komento
Mag-post ng isang Komento
Share your opinion now!