Nagdiwang ng kanyang 39th birthday si John Lloyd Cruz noong June 24, 2022. Sa kanyang edad, masasabing marami na ang napatunayan ng isang John Lloyd Cruz sa harap o likod ng kamera.
Sa kanyang celebration, nakasama niya ang buong cast ng pinagbibidahan niya ngayong Kapuso set com na Happy Together, ang kanyang malalapit na kaibigan at ang anak niya na si Elias.
Sa mga ibinahaging larawan sa nasabing okasyon, makikitang masaya si John Lloyd kasama ang kanyang anak. Masayang-masaya rin ang mga fans ng aktor para sa kanilang idolo.
Ngunit, sa pagdiriwang ng kaarawan ni John Lloyd ang higit na pumukaw sa atensyon ng mga netizens ay ang tila pagpapakilala ni John Lloyd sa kanyang rumored girlfriend na si Isabel Santos. Makikita sa nasabing social media post na bukod kay Elias kasama din ni John Lloyd si Isabel.
Makikita rin na habang kinakantahan si John Lloyd ng happy birthday song ay si Isabel ang may hawak ng cake para sa aktor. Nagulat rin ang lahat ng halikan mismo ni John Lloyd si Isabel sa pisngi at tila pinasalamatan ang dalaga.
Sa isa pang video clip, makikita ang pagkakomportable ng dalawa sa isa't-isa kasama si Elias. Habang nagsasaya sa pagdiriwang ng kaarawan ni John Lloyd Cruz.
Dahil dito, maraming netizens at mga fans ni John Lloyd ang nagsabi na hindi na kailangan pang sabihin ni John Lloyd at Isabel kung anuman ang totoong namamagitan sa kanila. Sapat na patunay na umano ang pagiging sweet at comfortable nila sa isa't-isa. Para masabing in a relationship na sila.
Walang komento
Mag-post ng isang Komento
Share your opinion now!