Ibinalita ni Cristy Fermin ang latest update sa kalagayan ngayon ng nag-iisang Queen Of All Media Kris Aquino na kasalukuyang nasa Houston, Texas sa Showbiz Now Na, Youtube channel nila kasama sina Romel Chika at Morly Alinio.
Ayon sa Veteran Showbiz Columnist, "Alam po namin na gusto niyong makarinig ng kwento mula sa amin tungkol na gamutan na pinagdaanan po ni Kris Aquino sa America. "
"Ayon sa huling balita na nakarating sa amin, maayos nang tingnan ang vital signs niya. Kaya nga po dali-dali silang lumipad sa America ay bdahil ayaw nilang mahuli sa oras ng gamutan."
"Doon naman tayo ninerbyos, tulad po nang inaasahan ay unti-unti na pong sinisimulan ang mga proseso ng gamutan kay Kris at maraming salamat dahil ang kanyang team of doctors lalo na 'yung Fil-Am doctor na si Doc. Nino Gavino na nakakita ng sakit niya na doon talaga sa Amerika kailangan gamutin siya ng mga doktor."
Tanong ni Morly, "Ibig sabihin, okay na siyang saksakan ng mga gamot kasi okay na ang vital signs niya?"
"Sa palagay ko, positibo para simulan ang gamutan," sagot ni Nay Cristy.
"Ibig sabihin sinisimulan ang gamutan, unti-unting umuusog ang kanyang mga laboratory tests," pahayag naman ni Romel.
Ipinagdiinan muli ni Nay Cristy, na aabutin ng 8 months to 1 year ang aabutin ng pagpapagamot ni Kris kung may pagbabago sa kanya sa mga gamot na isasaksak sa kanya.
"Una muna, syempre aayusin muna ang kanyang vital signs tapos 'yung sa brains niya sa EGPA, 'yun ang number one, di po ba? Kailangan talagang pagtibayin ang system ni Kris, 'yung anti-bodies na tinatawag ini-inject 'yun para may panlaban tayo," kwento ni Nay Cristy.
"Alam mo kung bakit hindi pa siya nakakapagpadala ng kanyang update, na siya mismo personal kasi hindi pa niya kaya magtext, at may sariling tirahan ang magkapatid na Joshua at Bimby sa Houston, Texas," dagdag pa nito.
Hindi naman binanggit kung sino ang mga kasama ng magkapatid.
"Hindi na usapin ang pera kay Kris Aquino. Labas na siya ng labas para siya ay mabuhay kaya nga ang pera Ate Cristy, paulit-ulit nating sinasabi iniimpok natin 'yan. Pinaghahandaan natin ang kinabukasan pero mas paghandaan natin 'yung doon sa itaas," sabi naman ni Morly.
Sa ngayon, tiyak na itinataas ni Kris ang kanyang mga kamay sa Panginoon at nananalangin sa tuluyan niyang paggaling.
Walang komento
Mag-post ng isang Komento
Share your opinion now!