Pinahanga ng aktres na si Bianca Umali ang mga netizens dahil sa latest video post niya sa Instagram, kung saan nagpamalas siya ng husay sa martial arts.
Ibinahagi ng aktres ang ginagawang training, kung saan iwinasiwas niya ang hawak na long stick at nakikipag-sparring sa kanyang trainer. Napagaling umano ng mga galaw ni Bianca sa pakikipag-spar sa kanyang guro.
Makikita rin sa wall ng kanyang coach na nagsasanay rin si Bianca ng defense, assault, kombat at sword.
Tila hindi naman nakapaniwala ang kanyang mga tagahanga na sa likod ng kanyang ganda at kaseksihan, may natatago siyang lakas sa pakikipaglaban. Dahil dito kumbinsido ang mga netizens na mas bagay umano si Bianca na gumawa sa remake ng Darna at hindi si Jane De Leon.
'Yung angas, ganda ng mukha, hubog ng katawan ni Bianca ay tamang-tama umano sa costume ni Darna. Pero tila malabo na itong mangyari dahil tila matatagalan pa na maibigay ang rights sa GMA7 dahil ang rights nito ay kasalukuyang nasa Kapamilya channel.
Walang komento
Mag-post ng isang Komento
Share your opinion now!