Napasigaw si Derek Ramsay sa prank nina Ellen Adarna at Elias gamit ang laruang daga.
Kamakailan ay nag-upload si Ellen Adarna ng isang video sa kanyang Instagram account. Idinetalye pa nito kung paano nila ginawa ng kanyang anak ang isang nakakatawang kalokohan sa kanyang asawang si Derek Ramsay.
Hindi ito ang unang pagkakataon na gumawa ng kalokohan kay Derek Ramsay ang asawa at anak nitong si Elias gamit ang daga. Naging viral naman ang nasabing video na umabot na ng libo-libong views sa Instagram.
Alam naman ng lahat na noon pa lang ay takot na si Derek sa daga. Gayunpaman, ilang beses na rin itong pinagtripan ni Ellen gamit ang daga.
Makikita sa nasabing video si Elias na may hawak ng laruan daga habang nakasunod naman si Ellen na siyang may hawak ng camera. Lumapit ito kay Derek at inilagay sa ulo nito ang laruan. Nang mapagtanto ni Derek na isa itong daga, napasigaw ito at tila napamura pa. Maririnig naman sa nasabing video ang hagikhik ni Ellen Adarna.
Kinatuwaan naman ng mga netizens ang nasabing prank nina Ellen at Elias kay Derek Ramsay.
Walang komento
Mag-post ng isang Komento
Share your opinion now!