Ito Pala Ang Laman Ng TRO Ni Maggie Wilson Laban Sa Ex-husband Na Si Victor Consunji!

Naglabas ng temporary restraining order ang Taguig Regional Trial Court para huwag mapaalis si Maggie Wilson sa rented house nito sa Taguig City. Kaugnay ito sa illegal at unauthorized na pagpapalayas kay Maggie ng estranged husband nitong si Victor Consunji noong nakaraang Byernes July 15, 2022.

Nitong Myerkules, July 20 natanggap ni Maggie ang desisyon ng korte hinggil sa isyu at ibinahagi niya ito sa pamamagitan ng Instagram Story.

Sabi ng korte, walang karapatan si Victor na paalisin si Maggie dahil mayroon itong leasing contract. Ibig sabihin, valid ang kontrata ni Maggie hanggang sa kung kailan ang nakasaad na end date sa kanyang tinitirhang bahay.

Sabi sa isang bahagi ng resolution mula sa korte, "Since it cannot be denied that a valid lease contract is existing and subsisting between the petitioner and the defendants, the Lease Contract should be respected by the parties wherein the lessor is obliged to maintain the lessee in the peaceful and adequate enjoyment of the leased premises for the entire duration of the contract."

Base sa pagsusuri ng korte sa ebidensyang isinumite ni Maggie hindi umano makatarungan ang ginawa ng kampo ni Victor at paalisan ng kuryente ang bahay ni Maggie. Kaya nag-iisue ng TRO ang korte laban kay Victor.

"Considering the extreme urgency of the matter and the fact that plaintiff will suffer grave injustice and irreparable injury in the event that injunctive reliefs are not issued, it is respectfully prayed of this honorable court to immediately issue the injunctive reliefs prayed for to: (a) PREVENT defendants, their representatives, or upon their direction, from continuing with their illegal and unauthorized activities, causing grave and substantial damage and prejudice to plaintiff, her family, and her household staff and from taking any action that will prevent Meralco or any electrician from restoring electricity in the subject property."

Nagpasalamat naman si Maggie sa pagpabor sa kanya ng korte ilang araw matapos mawalan ng kuryente ang kanilang tirahan.

Sina Maggie at Victor ay nagsama ng 11 years bilang mag-asawa bago inanunsyo ni Maggie ang kanilang paghihiwalay noong September 2021.