Silipin Ang Puspusang Paghahanda Ni Bianca Umali Bilang Sang'gre

Si Bianca Umali ang napili na isang home grown talent ng GMA7 na gaganap bilang bagong Sanggre.

Matatandaang ipinaliwanag naman kung paano pinili ang aktres na ito.

"Unang-una, kailangang mukha talaga siyang Sanggre. Kailangan beautiful, physically strong. Magiging maganda ang hitsura kapag nilagyan ng costume. Kasi definitely, she will be doing a lot of stunts. A lot of fight scenes, at syempre magaling umarte. Lahat ng ito kailangan, consideration na pwede siyang ihanay doon sa mga Sanggre na nauna na sa kanya."

Isang bagong Sanggre ang magiging focus ng show pero may posibilidad na makitang muli ang mga dating Sanggre na naunang minahal ng mga manonood.

Puspusan na ang paghahanda ni Bianca para sa kanyang magiging fight scenes. Sa video na inupload ni Bianca sa kanyang social media account, makikita rito na nagsisimula na siyang mag-ensayo gamit ang isang mahabang wooden stick o 'Bo' kung tawagin sa martial arts.

Alam naman natin na ang weapon ni Sanggre Danaya ay ang dalawang arnis. Sa pagsasanay na ito ni Bianca, di kaya kaparehas niya si Sanggre Danaya sa kanyang magiging weapon?

Bagay na bagay naman kay Bianca Umali ang paganap bilang Sanggre at gaganap bilang anak ni Sanggre Danaya.

Tama ang kutob ng ilang mga fans na si Bianca ang mapipili bilang Sanggre.

Ang Sanggre ay kwento ng isang babaeng hindi inaasahang matutuklasan ang kanyang kapangyarihan, habang walang kaalam-alam na siya pala ang nag-iisang anak ni Reyna Danaya ng Lireo.