Nagbabala ang ultimate Media Star na si Toni Gonzaga sa kumakalat na isang Facebook account at gumagamit sa kanyang pangalan.
Ipinost niya sa kanyang Instagram stories ang kanyang official account sa Facebook. Sa sunod na IG story niya makikita naman ang screenshot ng isang Facebook account na may pangalang Celestine Gonzaga Soriano.
Ang nasabing account ay nagrere-upload ng kanyang mga vlog kung saan nakapanayam niya si Didi Villegas. Paglilinaw ni Toni, "This is not our official page. If you could kindly report also the fake Facebook account. Maraming Salamat!"
Ibinahagi rin ni Toni ang screenshot ng comment ng nagpapanggap na fake account at nanghihingi ng digital gift sa live broadcast. Ayon sa pekeng account, "During this video, you can support my page by sending stars. A digital gift that helps me earn money."
Paglilinaw ni Toni, "We don't ask for money. This is a fake account."
Sa ngayon ay nananatili pa ring active ang nasabing fake account ni Toni na may 150,000 likes. Dapatumanong maging mapanuri ang mga netizens dahil maraming pekeng accounts at ginagamit ang mga pangalan ng celebrities.
Walang komento
Mag-post ng isang Komento
Share your opinion now!