Ibinuking ni Vice Ganda na dating pinag-awayan ng miyembro ng ‘Streetboys’ na sina Vhong Navarro at Jhong Hilario si Judy Ann Santos. Sabay kasing nanligaw sina Vhong at Jhong kay Juday.
Sa isang episode ng “It’s Showtime” inasar ni Vice ang dalawang co-host. Ikinukuwento kasi ni Vhong na ang kanyang ama ang kanyang idolo. Inasar naman ito ni Vice at sinabing tila naiiyak ang dancer-host.
“Mabilis lang tumulo ng luha mo parang si Judy Ann,” pagbibiro ni Vice.
“Magandang umarte ‘yon!” sabi naman ni Vhong.
Sabay humirit si Vice ng: “Oo, magaling umarte si Judy Ann at saka ang ganda pa kaya nga pinag-awayan niyo ni Jhong dati. Oo, pinag-awayan ng Streetboys, ang nagwagi si Wowie [De Guzman].”
Si Wawie ay ang long-time on-screen at ex-boyfriend ni Juday.
Walang komento
Mag-post ng isang Komento
Share your opinion now!