Alodia Gosiengfiao Nagsalita Na Sa Tunay Na Dahilan Ng Hiwalayan Nila Ni Wil Dasovich!

Idinaan ni Alodia Gosiengfiao sa isang coded message ang mensahe niya sa kanyang ex.

Ibinahagi ni Alodia sa kanyang Facebook account ang bwelta niya sa kanyang ex na nagsasabing maraming bawal sa kanilang relasyon.

Nakasulat ito sa language na ginagamit sa isang role playing video game na Final Fantasy. Agad naman itong naa decode ng isang fan ni Alodia na isang gamer. Ayon sa translation sa post ni Alodia, "Maraming bawal in my past relationship? Ok, I didn't know 'maraming bawal' na pala to sleep with other girls since 2018 when you're still in a relationship, di ba basic lang yun?"

Samantala, nagreklamo man noon ang cosplayer tungkol sa pambababae, masaya na siya ngayon sa kanyang buhay pag-ibig.

"Tbh, I think we are happy with our present. Me, I am. Please stop using our past as content."

Hindi man pinangalanan ni Alodia kung sino ang tinutukoy niyang ex boyfriend. Sinabi naman nito na nakarelasyon niya ang lalaki noong 2018. Matatandaan na isinapubliko nina Alodia at Wil Dasovich ang kanilang relasyon noong February 2018.

Si Wil Dasovich ay isang vlogger at nakapasok din ito sa bahay ni Kuya bilang housemate. Plano na sana nina Alodia at Wil na magpatayo ng kanilang dream house base sa isang vlog na ibinahagi noon ni Wil. Ngunit, noong November 2021 kinumpirma ni Alodia ang kanilang hiwalayan matapos ang ilang attempt na pakikipag-ayos. Hindi naman sinabi ni Alodia ang dahilan ng paghihiwalay nilang dalawa noon.

Sa kasalukuyan, masaya na si Alodia sa piling ng kanyang fiancee na si Christopher Quimbo. Napapabalita naman ang relasyon nina Wil Dasovich at sa aktres na si Carla Humphries ngunit wala pang official na confirmation mula sa kanilang dalawa.