Usap-usapan ngayon sa social media ang katatapos lamang na laro ng volleyball team ng Pilipinas laban sa team ng Vietnam sa Asian's Volleyball Cup. Natalo man ang ating team, napahanga naman nila ang mga manonood dahil sa ipinakita nilang galing at dedikasyon sa nasabing laro.
Samantala, matapos matalo ang ating team hindi napigilang hanapin ng ibang mga sports fans kung nasaan si Alyssa Valdez. Matatandaan na isa si Alyssa sa mga itinuturing na star player ng ating Volleyball team.
Hindi nakasali sa nasabing laro si Alyssa dahil sa kanyang pagkakasakit. May ilang mga fans na tila sinisisi si Alyssa kung bakit siya nagkasakit at hindi naka-attend sa kanilang game.
Matatandaan na nagbakasyon si Alyssa Valdez kasama ang dating kasamahan niya sa PBB na sina Ian Rances at Samantha Bernardo. Hindi tuloy naiwasang mapa-tweet ng isang netizens at ipinunto na hindi muna dapat itong nagbakasyon dahil alam umano nito na may laro sila sa AVC. Inuna umano nito ang lakwatsa kaya nagkasakit. Dapat rin umanong gawing top priority ang pagiging isang volleyball player.
Samantala, ipinaliwanag naman ni Samantha Bernardo sa isang interview na ang Palawan vacation na iyon ay regalo nila kay Alyssa sa kaarawan nito noong June 29 na-late umano ito dahil sa kanilang busy schedule.
Ayon pa kay Samantha, habang nagbabakasyon patuloy pa rin ang training ni Alyssa at hindi nawala sa isip ang laro.
Agad namang ipinagtanggol ng kanyang fans ang player at sinabing hindi naman nito kasalanan kung nagkasakit ito. Sa parte naman ng pagbabakasyon, sinabi nilang may karapatan din umano si Alyssa na makapag-relax at makapag-unwind paminsan-minsan.
Walang komento
Mag-post ng isang Komento
Share your opinion now!