Cherie Gil Binawian ng Buhay Sa Edad Na 59 Dahil Sa Cancer!

Isang nakakalungkot na balita. Pumanaw na si Cherie Gil sa edad na 59 nitong Byernes, August 5, 2022 bandang 5 ng hapon.

Ibinahagi ng talent manager na si Anabelle Rama ang tungkol sa nakakabiglang balita ng pagpanaw ng Veteran and award winning actress na si Cherie Gil sa pamamagitan ng kanyang social media account.

Matatandaang, nagtungo si Cherie Gil sa America at nagdesisyon na doon na lamang manirahan kasama ng kanyang mga anak. Kasabay nito, nagpakalbo ang aktres na ayon sa kanya ay simbolo ng bagong simula ng kanyang buhay sa ibang bansa.

Ibenenta rin nito ang kanyang mga kagamitan at ari-arian sa pamilya bago ito nagtungo sa New York.

"May mga nagsasabi kasi marami akong pera but in fact, they don't know anything. I'm just a human being. We go through the same ropes of the downs, the highs and the lows. I am not going to be surprised if I die a pauper, but I have lived a life," pahayag noon ni Cherie.

Komento naman ng ilan, tila nagpapahayag na pala noon si Cherie Gil na may iniinda na siyang karamdaman at maaring mawala na lamang bigla.

Huling nagbahagi ng larawan si Cherie Gil sa kanyang social media accounts noong June 19. Nakangiti man ito sa nasabing larawan ngunit kapansin-pansin naman ang malaking pagbabago sa kanyang itsura. May mga kumakalat namang mga balita na cancer umano ang naging sanhi ng pamamaalam nito.

Matagal na umanong tinatago at iniinda ni Cherie ang nasabing karamdaman. Itinago pa nito sa pamamagitan ng pagpapakalbo ang kanyang kalagayan.

Ang kapatid ni Cherie Gil na si Mark Gil ay pumanaw rin dahil sa sakit na kanser na inilihim rin sa publiko at ipinalabas lamang na namatay ito habang natutulog.