Direk Darryl Emotional Sa Pagbati Sa Kaarawan Ni Ella Cruz!

Hindi lingid sa kaalaman ng lahat ang pinagdaanang pambabatikos kay Ella Cruz matapos mag-viral ang kanyang pahayag tungkol sa History. Maging ang ilang mga celebrities ay nakisali pa sa pambabatikos sa aktres at may ilan pang below the belt na ang mga salitang binibitawan para sa dalaga.

Matatandaang, maging ang pamilya nito ay dinamay pa ng ilang mga netizens sa pambabatikos sa aktres. Maging ang mga nakasama at itinuring niyang kaibigan sa showbiz na hindi inaakala ni Ella na makisali ay nagbitaw ng masasakit na salita laban sa kanya.

Samantala, hindi naman natakot si Ella at hinayaan na lamang na mawala ang isyu at alam naman niya na nasa likod niya sina Direk Darryl Yap at iba pang kasamahang sa pelikulang Maid in Malacanang. Makikita naman ang bond at ang nabuong samahan at pagkakaibigan na pamilya na ang turingan sa mga cast ng Maid in Malacanang.

Sa kabilang banda, binati ni Direk Darryl Yap si Ella Cruz para sa kaarawan nito. Post ni Direk Darryl sa kanyang Facebook account, "Happy Birthday Ella Cruz,

Mahal na mahal kita!

Maghanap ka ng Photographer at ako ang magbabayad.

kasi kahit 7M ang followers ng VinCentiments at 8M ang followers mo, wala tayong tapang mag-alok ng XDEAL. HAHAHAHA!"

Sagot naman ni Ella sa pagbating ito ni Direk Darryl, "Love you direk! wag na hanap direeek pa-gcash na lang po hahahahhahaha"

Dahil sa pagbabahagi nito ni Direk Darryl, agad na bumuhos ang pagbati para sa aktres na si Ella Cruz.

Samantala, sa nasabing post ni Direk Darryl tila may pinapatamaan din ito. Ito ay walang iba kundi si Vince Tanada. Matatandaan na nagpost kamakailan si Vince na naghahanap siya ng photographer na makakagawa ng X DEAL shoots para sa kanyang birthday party.