DNA Test Result Positive Ayon sa mga Pulis | Jovelyn Galleno Latest Update

Kumbinsido umano ang mga pulis na si Jovelyn Galleno ang nakitang kalansay sa Sitio Pulang Lupa.

Ayon sa tagapagsalita ng City PNP, sana'y positibo ang magiging resulta ng DNA test na isinagawa sa nakitang kalansay na sinasabing si Jovelyn Galleno.

Kumbinsido umano silang magiging positibo ang resulta dahil may nagturong suspek at may nakita pang pagkakakilanlan ilang hakbang ng kalansay. Naniniwala umano silang si Jovelyn ito although hindi pa kumpirmado dahil hindi pa lumalabas ang resulta ng DNA test na isinagawa sa kalansay.

Matatandaang, kinumpirma ng pamilya ang nakitang mga personal na kagamitan gaya ng nakitang pantalon at underwear na pagmamay-ari umanong lahat ni Jovelyn. Maging ang mga ID ng dalaga ay kasama sa mga nakita ng mga otoridad malapit sa mga buto ng tao.

Samantala, kung sakaling magnegatibo ang resulta ng DNA test, may inihanda na umanong hakbang ang kapulisan sa susunod na gagawin upang matukoy kung nasaan talaga si Jovelyn Galleno. Kung sakaling negatibo ito, nangangahulugan lamang na nagsisinungaling ang mga suspek at makakasuhan pa rin dahil sa kanyang pagsisinungaling.