Tuloy sa Miss Grand International si Herlene Budol. Ito ang tinitingnang dahilan ng ilang pageant fanatics kaya hindi na sasabak sa Binibining Pilipinas sa susunod na taon si Herlene.
Alam naman ng lahat na ang korona bilang Ms. Grand International ang nais masungkit ni Herlene. Bigo man siyang makuha ang nasabing crown, itinanghal naman si Herlene bilang Bb. Pilipinas First Runner Up. Ayon naman sa kanyang manager na si Wilbert Tolentino, very proud and happy siya sa narating ni Herlene sa kabila ng pagiging first-timer nito.
Samantala, nagulat ang lahat ng may balitang lumabas na ang kinoronahang Bb. Pilipinas Grand International na si Roberta Tamondong ang huling kandidata mula sa Bb. Pilipinas na sasabak para sa Miss Grand International Pageant. Ayon sa nasabing balita, tinaggal na umano ang franchise ng Miss Grand International sa Bb. Pilipinas Pageant.
Ayon sa latest Facebook live ni Mr. Nawat, "Miss Grand Philippines will make its debut next year, which will be organized by someone you will recognize."
Matapos ang pahayag na ito ni Mr. Nawat, spotted ang dalawa na magkasama. Tumunog tuloy ang mga usap-usapan na si Wilbert Tolentino ang tinutukoy ni Mr. Nawat na someone you recognize na maging bagong franchise holder ng Miss Grand International.
Walang komento
Mag-post ng isang Komento
Share your opinion now!