Ito Pala Ang Ebidensiya Ng Dayaan Diumano Sa Binibining Pilipinas 2022

Si Karen Laurel Mendoza ng Iloilo na nga ba ang susunod na Sandra Lemonon ng Pageantry World?

Ito ang tanong ng ilang mga netizens  dahil tila nagmamarites umano ito tungkol sa katatapos lamang na Grand coronation night ng Bb. Pilipinas 2022 noong Linggo, July 31, 2022.

Matatandaan, na si Sandra Lemonon ay isa sa top 16 candidates ng Miss Universe Philippines 2020. Naging kontrobersyal siya dahil matapos lumabas ng resulta, sunod-sunod ang post niya sa Instagram at nagbanta pang mga 'spill the tea' tungkol sa pageant. Akusasyon noon ni Sandra, nagkaroon umano ng dayaan sa Miss Universe 2020 pageant kung saan ang nanalo ay si Rabiya Mateo mula sa Iloilo.

Samantala, isa si Karen sa mga nakapasok sa Top 12 ng Bb. Pilipinas ngunit hindi pinalad na makakuha ng korona at titulo. Sa kanyang Instagram stories nitong Martes, August 2, 2022 nagpost si Karen tungkol sa tanong ng isang pageant page. Kung sino ang nais niyang manalong Miss International bukod sa kanya. Sagot niya, si Gabrielle Basiano ng Borongan City , Eastern Samar.

Ayon sa kanyang Instagram Stories, "I was ask by a pageant page. If there is one girl you would like to win the International crown, aside from yourself. Who would it be and why?

My co-repeater @gabbybasiano"

Dagdag pa niya, "Please watch @thegrownph inetrview for proof. And  take a good look at the next photo."

Ang ibinahagi niyang larawan ay ang nagviral na picture ng lunot na bondpaper na may nakasulat na 17 Globe, 23 Intercon, 28 International. May isang mas malinaw na litrato na lumabas mula sa isang page. Ang number 17 ay si Chealsea Lovely Fernandez ng Tacloban na nagwagi bilang Ms. Globe. Ang Bb. 23 ay si Nicole Borromeo ng Cebu City. Ang Bb. 28 ay si Gabrielle Basiano mula sa Borongan City. Si Nicole ang hinirang bilang Ms. International habang si Gabrielle naman bilang Ms. Intercontinental.

Nagkaroon ng pagdududa sa resulta ng Bb. Pilipinas 2022 dahil nagkaroon ng ilang minutong delay sa pag-anunsyo ng mga host na sina Ms. Universe 2018 Catriona Gray at Bb. Pilipinas Grand International 2016 Nicole sa nanalong Bb. Pilipinas International 2022.

Nag-ingay ang live audience ng Bb. Pilipinas sa Smart Araneta Coliseum noong madaling araw ng August 1 dahil sa katagalan ng pag-aanunsyo. Marami ang naghihinala na baka nagkaroon ng pagkakamali sa pagbanggit ng pangalan sa mga nanalo ng korona at titulo.

Samantala, naglabas naman ng pahayag si Catriona at itinangging may pakakamali na nangyari sa pag-aanunsyo nila ng sa mga nanalo. Maging ang Corner Stone Entertainment ay naglabas  na ng statement at ipinagtanggol ang kanilang mga talents at sinabing ang binasang resulta ng dalawa ay ayon mismo sa kanilang hawak na cue cards.