Literal na don't judge the book by it's cover ang nangyari sa ipinakitang tranformation ni Jane De Leon mula sa karakter ni Narda sa pagiging Darna.
Marami sa mga manonood ng Darna series ang napahanga sa ipinakitang husay at galing ni Jane De Leon sa pilot week ng nasabing palabas. Marami rin ang nagandahan sa transformation nito sa pagiging Darna.
Matatandaang, hinusgahan ng ilang mga netizens si Jane De Leon at sinabihang walang appeal at hindi nababagay sa nasabing role. Ngunit sa episode ngayong byernes pinahanga ni Jane De Leon ang mga manonood at pinatunayang nararapat siya sa role bilang bagong Darna. Sa nasabing episode, nasaksihan ng lahat sa unang pagkakataon ang pagtransform ni Jane bilang Darna.
Komento ng ilang manonood kung nasaan na ang sinasabing hindi siya nababagay sa role at walang appeal. Ayon naman sa ilan, kinabog ni Jane De Leon ang lahat ng artistang gumanap sa iconic role as Darna maging sina Angel Locsin at Marian Rivera.
Napakagaling ng pagkapili kay Jane at talagang worth the wait ang paghihintay sa unang paglipad nito. Maganda rin ang costume, pag-arte ng mga artista at maging ang cinematography ng series. Napatunayan talaga nito na tama ang pagpili sa kanya ng management dahil literal na nakuha niya ang pansin ng mga manonood.
Napansin din ng ilang mga netizens na lahat umano ng gumanap bilang Darna, si Jane lamang ang may strong character na ipinapakita kahit pa ang papel ni Narda pa lamang ang ginampanan. Hindi lamang sa fantasy world umiikot ang storya, ipinakita rin nito ang ilang isyu sa realidad sa ngayon. Kagaya na lamang ng discrimination, mataas na qualifications sa paghahanap ng trabaho at ang pagkakaroon ng katiwalian sa gobyerno na kadalasa'y humahantong sa mga pinsala.
Walang komento
Mag-post ng isang Komento
Share your opinion now!