Jocelyn Galleno Nagsalita Na Tungkol Sa Issue Na Nagtatago Lang Si Jovelyn Galleno!

Pamilya ni Jovelyn Galleno, ang nawawalang babae sa Palawan, nagbigay na ng pahayag tungkol sa kumakalat na bali-balitang nagtatago lamang umano si Jovelyn at nakipagtanan. May ilan pang ulat na nagsasasabing nakauwi na umano ito ngunit tinatago lamang ng kanilang pamilya.

Ayon sa pahayag ni Jocelyn Galleno, kapatid ng nawawalang dalaga na si Jovelyn Galleno, "Good pm po

WALA PANG JOVELYN NA UMUWI O KUMUNTAK MAN LANG!

Sa mga nanghihinalang nakita na si Jovelyn at nagtatago dahil binayaran at alam na nang pamilya. Maaring magbayad ng danyos ang pamilya! Hindi biro ang ganitong kaso. Alam niyo naman yan na malalantad yan sa huli. Walang lihim na di mabubunyag. Don sa case ng nakakita na nakasakay siya sa innova, affidavit po yun ng isang witness at confidential yun di pwedeng ilabas kasi walang pang kaso na isinasampa dahil hindi pa nakikita ang biktima. Hindi namin alam kung paano lumabas ang statement na yun without permission from us at sa PNP. PnP lang po dapat ang nakakaalam at kami.. Pero nung malaman namin sinabi ko na agad sa pnp nang mga oras na iyon mga ilang minuto pa lang. Hindi kasi pwedeng habulin ni Mr. Galve dahil may karga siya na mga materiales at mabagal ang sasakyan niya. Di niya nakuha ang plate number dahil nakatutok siya sa mukha at sinisiguradong kung siya ba talaga yun. Innova yun sa bilis ng takbo kakayanin kaya niya yun. Hindi namin pwede isapubliko yun dahil under invistigation pa lang.

Nagtataka kami bakit nagkaron ng leak at naipost pa nang ganon ganon lang. Di maiiwasan ang mga haka-haka kaya lang nakakasakit sa pamilya at sa amin. Yung walang tigil ang pabalik balik mo sa pnp at sa ibang awtoridad para lang mapabilis ang paghahanap sa kanya. Hindi nakakatulong ang panghuhusga niyo...kailangan namin impormasyon don sa mga maaring nakakita sa kanya at panalangin.

Salamat po."

Sa nasabing pahayag nilinaw ni Jocelyn na hindi pa nakauwi o kumuntak man lang ang kanyang kapatid sa kanila. Nagtataka din umano ito kung bakit nagleak sa social media ang sinumpaang salaysay ng isang witness ng walang pahintulot mula sa PNP at sa pamilya ng biktima. Sa huli sinabi ni Jocelyn na hindi nila kailangan ang panghuhusga ng publiko kundi impormasyon kung nasaan na ang kanyang kapatid.