Walong araw na lang at magtatapos na ang longest running teleserye ng bansa na Ang Probinsyano. Sa pagwawakas nito ay mag-iiwan ng aral, pagmamahal at pagmamalasakit sa ating kapwa Pilipino na nangangailangan ng tulong at kalinga.
Isa sa aktor ng Ang Probinsyano na lubos na natulungan ay ang child actor na si CJ Ramos. Matatandaan, noong July 2018 ay nahuli sa isang buy bust sa Quezon City si CJ Ramos. Sa nalalapit na pagtatapos ng Ang Probinsyano ay ikinuwento ni CJ Ramos na ito ang naging gabay at ilaw niya sa madilim na daan na kanyang tinahak noon.
Ayon sa kanya, "Ang kwentong Cardo ko po ay hindi nalalayo sa kuwentong Coco Martin na sa madilim na bahagi ng kanyang buhay ay kailangan niya ng tulong parang biglang nagkaroon ng ilaw. Dahil doon po ay nagkaroon ng chance, opportunity ulit ang isang CJ. Parang pamilya ko na kayo at hindi tayo nagpatinag sa lahat ng mga dumating na bagyo."
Walang komento
Mag-post ng isang Komento
Share your opinion now!