Nagkakagulo ngayon ang online world, sa pagkalat ng mga larawan nina Kiefer Ravena at ang pinaghihinalaang bagong girlfriend nito.
Bagamat ilang buwan na ang nakakalipas mula ng kinumpirma nina Kiefer at Alyssa ang kanilang break up, marami pa ring mga fans nila ang patuloy na umaasa na sila pa rin ang endgame. Ngunit, ang pag-asang ito ay tila naglaho dahil sa pagkalat ng balitang may bagong girlfriend na umano si Kiefer.
Kung may mga fans na tinanggap ang tsismis na ito, mas marami pa ring mga fans nina Kiefer at Alyssa ang dismayado at tila hindi matanggap ang bagong girlfriend ng basketballista. Kinukuyog ngayon ng mga fans ang basketball player dahil sa balitang ito.
Popular search ngayon sa Twitter ang 'Kiefer Ravena cheater', 'Kiefer Ravena viber' at 'Kiefer Ravena Kholeen Ortiz'. Hindi lamang si Kiefer Ravena ang dawit sa isyu ng cheater ngayon, maging ang kanyang kapatid na si Thirdy Ravena ay damay sa galit ng mga fans.
Konsintidor umano si Thirdy sa pagiging cheater ng kapatid. Dinipensahan naman agad ito ng kanyang mga fans.
Samantala, tila hindi mapalampas ng mga fans ni Alyssa Valdez ang pagche-cheat umano ni Kiefer Ravena. Tanong pa ng ilan, bakit nagawang lokohin ni Kiefer si Alyssa gayung napakabait nito at napakahumble. Ayon naman sa isa pang netizen na laging nagfo-follow umano ng mga seksing babae si Kiefer sa kanyang social media na nagpapatunay na matagal na nitong niloloko si Alyssa.
Samantala, naka pribado na ngayon ang account ng sinasabing bagong girlfriend ni Kiefer Ravena na si Kholeen Ortiz. Hanggang ngayon, nananatili pa ring tahimik ang basketballista ukol sa nasabing isyu.
Walang komento
Mag-post ng isang Komento
Share your opinion now!