Latest Update Ng Kapulisan | Hindi Naniniwala Sa Nakakita Kay Jovelyn Galleno!

Hindi naniniwala ang kapulisan sa ibinigay na pahayag ng Pastora na nakita umano niya si Jovelyn Galleno na nakasakay sa isang brown innova na tila tulala. Nagpasa na diumano ito ng sinumpaang salaysay hinggil sa kanyang nakita. Ngunit, ayon sa mga pulis wala pa silang hawak na kopya ng nasabing pahayag ng isang pastora.

Kinumpirma naman ito ng City PNP, spokeperson na si Police Major Joy Iquin sa panayam niya sa SupeRadyo. Ayon rito, hangga't hindi ni naveverified at napatunayang totoo ay hindi nila ito maikukunsidera bilang isang matibay na ebidensya upang malaman ang kasalukuyang kinaroroonan ngayon ni Jovelyn Galleno.

Nananawagan din ito na ipaubaya na lamang sa pulisya ang pag-iimbestiga at paghahanap sa nawawalang dalaga na si Jovelyn. Hindi na dapat pa umanong makisali ng publiko dahil baka imbes na makatulong ay napapatagal lamang nito ang imbestigasyon at ang pinakamasama maaaring mapahamak pa lalo si Jovelyn.

Matatandaang, kumalat kamakailan sa social media ang pahayag ng isang Pastora at kasamahan ni Jovelyn sa simbahan. Ayon sa nasabing Pastora, nakita umano niya si Jovelyn na tila tulalang nakasakay sa isang brown innova. Ngunit, hindi umano nito nakuha ang plate number ng nasabing sasakyan dahil naka-focus umano siya sa pagtingin sa mukha ng dalaga.

Mahigit dalawang linggo nang nawawala ang dalaga sa kasalukuyan. Huling namataan si Jovelyn sa kanyang trabaho sa Robinson's Mall Palawan noong August 5, 2022. Samantala, naglabas ng hinaing ang kapatid ni Jovelyn Galleno na si Jocelyn Galleno. Ayon sa kanya, tila sa reward money lamang interesado ang ilang mga netizens at hindi sa pagkakakita kay Jovelyn ng ligtas.

Ayon sa ibinahaging post ni Jocelyn sa kanyang Facebook account, "Ganto na ba talaga mga tao ngayon? Gagawa acc kunware si jovelyn, mga hacker kunware kanila tlga ung mga picture pero kuha lng naman sa soc med, mga nagkakalat ng fake news na nakita na, mga ginawang content ung ahas sa Robinson na kumuha daw kay jovelyn, tatawag na gusto reward muna bago nya daw kesyo ituro si Jovelyn.

Napakaraming text and calls na puro gawa gawa at halatang reward lng gusto, wla ba kayong konsensya? Kung may number dyan na public please para lng yan sa may information para makatulong na mahanap si jovelyn galleno na Hanggang Ngayon ay nawawala parin.

Nananahimik ako dahil ayoko makagulo sa mga nag iimbestiga pero hindi ibig sabihin non na nakita na si jovelyn, we need information pero instead kayo pa atah nagdedemand ng update, appreciated ng family ung concerns nyo pero sana wag po tayong magdemand at tatawag pa para sa update lng.

Salamat sa prayers and continue lng natin ung pagspread para makakuha na reliable na information.

Thankyou rin sa patuloy na pag boost nung post ko kaya na reach ng KMJS at Tulfo."