Binalot ng maraming espekulasyon ang ginanap na coronation night ng Binibining Pilipinas 2022 sa Smart Araneta Coliseum, Hulyo 31, matapos ang ilang minutong pagka-delay ng pag-anunsyo ng nanalo.
Si Nicole Borromeo ng Cebu City ang itinanghal na Bb. Pilipinas-International 2022 at si Gabrielle Basiano ng Borongan Eastern Samar naman ang Bb. Pilipinas-Intercontinental 2022.
Ayon sa usap-usapan, maaaring nagkapalit ang corona ng dalawang contestant. Anila, si Gabrielle Basiano ang totoong nanalong Bb. Pilipinas-International 2022.
Samantala, dismayado naman ang ina ng kontrobersyal na Bb. Pilipinas 2022 candidate Herlene Nicole Budol sa naging resulta ng patimpalak. Aniya, bagama't nasungkit ni Herlene ang pagiging 1st runner-up, umaasa ang kanilang kampo na makakakuha ito ng major award.
Sa panayam ni Joee Guilas ng The Thrillmaker, kay Len Timbol, ina ni Herlene, sinabi nitong, "Mas mataas yung inaasahan namin para kay Herlene. Hindi namin alam kung ano ang nangyari.”
Nilarawan niyang 'super' at magaling ang naging performance ng anak at maging ang question and answer ay perfect para sa kanya at deserve talaga umano nitong manalo.
Naitanong din dito kung ano ang sa palagay niyang naging pagkukulang ni Herlene.
Walang komento
Mag-post ng isang Komento
Share your opinion now!