Ibinahagi ng tatlong anak ng award winning actress at itinuturing Prima Contrabida na si Cherie Gil ang kani-kanilang mensahe ukol sa biglaan pamamaalam ng kanilang ina.
Ibinahagi rin nila sa kani-kanilang Instagram accounts ang inilabas na official statements ng pamilyang Eigenmann tungkol sa pagpanaw ni Cherie Gil nitong Byernes, August 5. Mababasa din ito sa ilan pang Instagram pages ng kapatid at ilang pamangkin ng yumaong aktres.
Ayon sa naging pahayag, noong nakaraang October na-diagnosed si Cherie Gil na may rare form of endometrial cancer. Pinili umano nitong itago na lamang sa publiko ang sakit bagay na inirespeto naman ng pamilya nito.
Ang mga anak ni Cherie Gil ay sina Jay Eigenman anak nito sa aktor na si Leo Martines, Bianca Rogoff at Raphael Rogoff, anak niya sa kanyang ex-husband na si Roni Rogoff. Nakapagdesisyon si Cherie na sa America na lamang manirahan kasama ng kanyang mga anak, matapos madiskubre ang kanyang sakit.
Ibinahagi naman ng mga ito ang mga larawan kung saan nakakasama nito ang kanilang ina. Masipag naman na tinutugon ng pamilya nila ang mga mensahe ng pakikiramay mula sa mga tagahanga ng aktres.
Samantala, marami ang nagulat nang malamang nagkaroon ng relasyon noon sina Cherie Gil at Leo Martinez. Nagkaroon din sila ng anak na si Jay Eigenmann.
Cecelia
TumugonBurahin