Ina ni Jovelyn Galleno nanawagan sa kanyang anak na sana'y umuwi na ito.
Hindi kumbinsido ang ina ni Jovelyn Galleno na kalansay ng anak ang nakita sa Sitio Pulang Lupa Brgy. Sta. Lourdes Puerto Prinsesa noong martes ng madaling araw. Malakas umano ang kutob nito na nabubuhay pa ang kanyang anak at may mga nagtatago lamang umano rito.
Hindi din siya naniniwala na magiging ganoon na lamang ang kalansay kung totoong kay Jovelyn ito. Ngunit, kung mapapatunayan sa mga pagsusuri na kay Jovelyn talaga ito, maluwag nila itong tatanggapin.
Nananawagan din ito sa mga taong nagtatago sa kanyang anak na si Jovelyn na pauwiin at pakawalan na ito. Huwag naman daw sanang gawan ng masama ng mga ito at ibalik sa kanila ang dalaga ng buo.
Samantala, hindi pa rin nasasampahan ng kaso ang dalawang suspek sa nangyaring krimen kay Jovelyn Galleno. Sa kabila, ng kanilang pag-amin sa panggagahasa at pagpatay kay Jovelyn. Ayon sa PNP, hindi pa umano sila nakakasampa ng kaso dahil hindi pa lumabas ang resulta ng DNA test na isinagawa sa nakita nilang kalansay. Ayon pa sa kanila, matatagalan din ang proseso nito ngunit ginagawa naman umano nila ang lahat upang malutas ang kaso.
Walang komento
Mag-post ng isang Komento
Share your opinion now!