Hindi napigilan ang emosyon at napaiyak ang ina ni Jane De Leon sa kanilang unang pagkikita matapos mapanood ang pagganap ng anak bilang Darna.
Labis na natutuwa ang ina ni Jane at napaiyak pa sa tuwa matapos makita ang anak.
"My family after seeing me as Darna for the firsttime," caption ni Jane sa kanyang videong ibinahagi sa kanyang Instagram stories.
Matatandaan na naikwento ni Jane sa panayam para sa Youtube vlog ni Ogie Diaz na marami silang pinagdaanang paghihirap bago niya nakamit ang pangarap niyang ito. Ayon sa kwento ni Jane De Leon, matapos maloko sa negosyo ang kanyang ama ng isang kaibigan, nakaramdam umano ito ng matinding trauma. Hindi na umano ito nakakapagtrabaho ng maayos hanggang sa binawian na ito ng buhay.
Ibinahagi pa ni Jane ang kanyang mga karanasan sa kahirapan at kung ano na lamang ang kanilang kinakain noon dahil wala silang pambili ng ulam. Ayon rito, asin, toyo at mantika na lamang minsan ang kanilang inuulam dahil sa kakulangan sa pera.
Napakalaki umanong tulong sa kanilang mag-iina ang kanyang big break ngayon sa pagganap bilang si Darna. Samantala, kasalukuyang nasa Thailand ang pamilya ni Jane kasama ang ilan sa kanilang mga kaanak para sa maikling bakasyon.
Walang komento
Mag-post ng isang Komento
Share your opinion now!