Pokwang at K Brosas Na Car Accldent Sa Amerika, Isinugod Sa Ospital

Lubos ang pasasalamat ng komedyante at TV host na si K Brosas nang makaligtas sila ng kaibigan nitong si Pokwang mula sa car accident sa Dallas Texas.

Kasalukuyang nasa Amerika ang dalawa para sa kanilang series of shows. Pangkukumpirma ni K sa aksidente na nangyari nitong Lunes August 1, 2022, ligtas naman umano sila ngunit nagtamo sila ng mga pasa at sugat.

Ikinuwento ni K sa Twitter ang nasabing aksidente. Aniya, "So na car accident kami kanina, thank you Lord at safe naman kami, ako lang ang may minor cut at may konting bruises. Naloka ako sa bilis ng pagdating ng ambulance firetrucks etc.. na check naman ako at ok lang, mabuti malaki yung pick up truck kung saan kami nakasakay. TYL!"

Ipinakita naman nito ang hitsura ng kanilang sinakyan matapos ang pagkakabangga.

Update pa nito, "Eto po pala itsura ng bangga.. sa side ko talaga impact kaya ako lang ang medyo na injure ng burberry light lang malayo sa bituka hehe. still thank you lord talaga.. ok pa rin naman ako kaming lahat. Stay safe po."

Idenitalye rin ni K ang nasabing aksidente at sinabing siya ang pinakanagtamo ng sugat sa kanila matapos siyang bumagsak sa sahig nang nangyari ang banggaan. Dagdag pa niya, agad naman rumesponde ang mga kinaukulan sa Dallas para magrescue sa kanila.

Pagbibiro pa ni Pokwang na halos lahat ng ahensya roon ay handang tumulong sa kanila dahil may dumating ding isang fire truck. Hinihiling ngayon ni K ang agaran at madalian nilang recovery dahil kasalukuyang nananakit pa ang kanilang katawan.