Walang pinagkaiba sa mga Pilipino ang mga Thai dahil matindi rin ang kanilang mga obsession sa mga beauty pageants at buong-buo ang mga suporta sa mga kandidata para sa international beauty pageant. Hindi nakakapagtataka na masigasig din ang mga Thai sa pagpuna ng mga makakalaban o mga ipinadalang representative ng ibang bansa.
Kasabay ng paglabas ng before and after transformation photos ni Ms. Universe Thailand 2022 Anna Sueangam ang alleged before and after photos ni Ms. Universe Philippines Celeste Cortesi. Inilabas ng Thai Fans sa isang Facebook page ang edited photo ng manalo itong Miss Earth Italy noong 2018 at nang kinoronahan siya bilang Ms. Universe Philippines 2022.
Nilagyan nila ito ng caption na, "Glow up! Amazing transformation of Ms. Universe Philippines 2022, by Philippines Clinic."
Ang Talkmissthailand din ang nagpost ng mga litrato nina Celeste at Willie Revillame ng maging guest host ang dalaga sa Wowowin noong 2018.
"Hello Daddy my name is Celeste Cortesi Ms. Universe Philippines 2022."
Malinaw na may bahid ito ng malisya para sa reigning Miss Universe Philippines na makakalaban ni Anna sa Ms. Universe 2022 Pageant. Negatibo ang reaction ng mga Thai sa mga post tungkol kay Celeste na tinawag ding Ms. Universe Tattoo dahil sa mga tattoo nito sa katawan.
Mula nang manalo siya bilang kauna-unahang Miss Earth Philippines Italy noong 2018, hindi na ito tinantanan ng intriga at kontrobersiya. May mga nagprotesta sa pagkapanalo ni Cortesi bilang Ms. Earth Philippines Italy pero siya ang nanalong Miss Earth Philippines at naging kinatawan ng Pilipinas sa 2018 Miss Earth na ginanap sa Mall of Asia Arena noong November 3, 2018.
Hindi man pinalad na maiuwi ang korona, napasama naman siya sa top 8 placer ng Miss Earth 2018. Unfair at hindi makatarungan ang ginawa ng mga Thai pageant fans sa kanilang pagkukumpara kina Anna at Celeste.
Kinupirma naman ng isang clinic sa Thailand na retokada umano ang kinatawan ng Thailand sa Ms. Universe 2022. Nakarating kay Celeste ang lahat ng paninira laban sa kanya ngunit imbes na magpaapekto, nakiusap siya sa mga tagahanga niya na pabayaan na lamang ang mga nambabatikos sa kanya.
"And again, people keep tagging me in edited photos of me, insults and threats. I have seen quite a lot just today and now before going to sleep. After the talk we had last week, I was hoping that this unnecessary cyberbullying would somehow stop or lessen.
I invite my fans to not answer and fight back please. If you want to protect me, then simply use the hashtag kindness campaign. Let's not engage with any form of hate."
Walang komento
Mag-post ng isang Komento
Share your opinion now!