Matapos ang matinding bangayan na umabot pa sa pagpapa-Tulfo, kumakalat ngayon ang balitang nakipagbalikan na si Tekla sa dating kinakasama nito na si Michelle. Bukod dito, nagdadalang tao na umano ito sa ikalawa nilang anak.
Usap-usapan rin ngayon, ang balitang patuloy na nagsusugal ang komedyante. Napag-usapan din si Tekla sa Youtube vlog nina Manay Cristy Fermin na Showbiz Now Na. Sa ngayon, marami nang nadismaya kay Tekla at hindi tulad ng dati na marami ang naaawa at tumutulong rito lalo na noong nagkasakit ang anak nitong si Angelou.
Panimula ng Veteran Showbiz Columnist, nagbubuntis umano ngayon si Michelle sa ikalawang anak nila ng Komendyanteng si Tekla. Umabot na rin kay Manay ang umano'y pagbabalik sa bisyo ni Tekla. Bumalik umano sa pagsusugal si Tekla, e-games at sa pagka-casino. Namataan umano ito sa isang casino, minsan kapag may pera malaki ang tinataya nito.
Ayon naman kay Morly, Lulong talaga si Tekla sa sugal at tila hindi nito maiiwasan. Isinadula pa umano ni Tekla ang kanyang buhay sa Magpakailanman, na ang tanging dahilan kung bakit umano siya pumasok sa showbiz ay para iahon ang kanyang pamilya sa kahirapan.
Samantala, marami naman ang nanghihinayang sa mga pagkakataong sinayang ni Tekla. Ayon pa kay Morly hindi lahat ng tao ay nabibigyan ng ganitong pagkakataon na tila sinasayang lamang nito ngayon. Tila umano wala itong pakialam sa kanyang pamilya dahil sa labis na pagsusugal nito.
Matatandaan na isa si Willie Revillame sa mga tumulong kay Tekla. Kinuha ito ni Willie bilang co-host ng Wowowin ngunit umalis ng hindi man lang nagpaalam si Tekla. Masama umano ang loob ni Willie Revillame dahil sa post na lamang nito nalaman na umalis na pala ito sa kanyang programa.
Walang komento
Mag-post ng isang Komento
Share your opinion now!