Vanessa Raval Umamin Na Scripted Lang Ang Tungkol Sa Rapper || Supalpal Sa Kapatid Na Si AJ Raval

Matapos magtrending ang post ni Vanessa Raval tungkol sa pangungulit umano sa kanya ng isang OPM rapper at ang pagsagot ni Skusta Clee dahil tumutugma rito ang description ni Vanessa. Sinabi ng dalaga na hindi ito si Skusta Clee at ini-reveal na si HaringManggi Miguelito malakas ito.

Agad namang nag-react ang mga netizens sa kanyang sinabi dahil hindi naman tumutugma rito ang kanyang mga description. Komento pa ng ilang mga netizens na ginisa lamang ni Vanessa ang sarili sa sariling mantika dahil ang lahat ng mga naunang description niya ay hindi naman tumutugma kay Haring Manggi kundi kay Skusta Clee.

Unang-una si Haring Manggi ay hindi nagkaroon ng concert sa Pampanga. Hindi rin ito sikat na Rapper. Hindi rin ito nagtrending dahil sa panloloko at pambabae. Lalong-lalo na, wala pa itong anak. Pinayuhan din si Vanessa ng isang MC sa Fliptop na itigil na ang kanyang mga ginagawa dahil nakakahiya. Lalong-lalo na sa kanyang ama si Jeric Raval na kilala sa mundo ng Showbiz.

Dahil nabuking na, umamin naman si Vanessa Raval na scripted at gawa-gawa niya lamang ang lahat ng kanyang mga post tungkol sa nangungulit na Rapper.

"Scripted lahat! Pinlano gumawa ng kwento. Sumugal lang sa mga taong mahal ko sa buhay. Pero bandang huli talo. PATAWAD SA LAHAT," post ni Vanessa sa kanyang Facebook page.

Dagdag pa niya sa comment section ng nasabing post, "Hindi para sa kita ng fb kaya ko to ginawa. Ako nalang siguro nakaka alam non. Salamat."

Agad namang umani ng pambabatikos si Vanessa dahil sa kanyang pag-iimbento ng kwento para lamang magtrending at mapag-usapan ang kanyang pangalan.

Nagsalita na rin ang kanyang kapatid na si AJ Raval at mariing itinanggi na dawit siya sa isyu at ginawa lamang umano ito ni Vanessa upang mabaling sa kanya ang mga mata ng marites at hindi pag-uusapan pa ang umano'y pagbubuntis ni AJ.

Ayon kay AJ, "I am speaking on behalf of my family whose name is being dragged regarding the circulating issue involving Vanessa.

Please stop dragging my name in this issue that I have nothing to do with. Especially my father na umaako ng pressure dahil sa name na dala ni Vanessa. We may share the “Raval” name, pero hindi ko siya nakasamang lumaki, hindi rin kami close. We are very civil pag nagkikita at times, but there is nothing special about it, dahil mas close ako sa mga kapatid ko sa nakalakihan kong mother (Holiday), yung mga brother and sister ko sa kanya ang nakasama ko lumaki and not with Vanessa.

We are utterly affected about the circulating issue kahit wala kaming kinalaman. Again, we have nothing to do with it. Labas kaming lahat sa issues ni Vanessa.

Ganoon din sa akin, Labas din po lahat ng family members sa bawat issue na dumadating sa akin.

Ako na po himihingi ng Pasensya sa lahat ng naapektuhan at na damage lalo na sa Hiphop Industry."

Tila nasaktan naman si Vanessa sa pahayag na ito ni AJ at nilinaw na ginawa niya lamang ang lahat upang mabaling sa kanyang issue ang mga mata ng marites at siya na ang pag-usapan. Hindi ang isyu ng umano'y pagbubuntis ni AJ.

"Gumawa ako ng issue para patahimikin sarili mong issue at sakin nalang magalit ang lahat ng tao. Bandang huli itatanggi mo ko. Wag ka mag alala mahal pa rin kita."

Grabeng pambabash ang kinahaharap ngayon ni Vanessa dahil sa paggawa niya ng kwento at pandadawit sa mga taong wala namang kinalaman. Ngunit may ilang netizens naman na tila naunawaan ang kanyang ginawa na pantatakip lamang umano kapatid na si AJ.