Muling ibinahagi ni Andrew Schimmer sa kanyang Youtube vlog ang pagbisita ng mga anak sa kanilang ina na kasalukuyang nakaratay sa hospital.
Mag-iisang buwan ding hindi nabisita ng mga bata ang kanilang ina matapos nitong muling isugod sa hospital at ipasok sa ICU.
Matatandaang noong October 10 ay naiuwi na nila Andrew si Jho. Subalit nagkaroon ito ng complications kaya muli nilang ibinalik sa hospital.
Subalit patuloy nang nag-improve ang kalagayan ni Jho kaya pinayagan na ng mga doktor na mabisita ng mga bata.
Samantala, makikita sa ibinahaging video ni Andrew ang labis na pangungulila ng kanilang mga anak na nakuntento na lamang sa paghawak sa kanilang ina na kasalukuyang natutulog.
Labis naman na naaawa ang mga netizens sa pamilya Schimmer at hiniling ang agarang paggaling ni Jho. Para muli na itong makasama ng mga bata.
Humahanga din ang mga ito sa tatag ni Andrew maging ang kanilang mga anak. Hinding-hindi makikitaan ng kawalan ng pag-asa ang pamilya at patuloy na naniniwalang babalik sa dati ang kanilang ina.
Walang komento
Mag-post ng isang Komento
Share your opinion now!