Ama Ni Nadine Lustre Proud na Iflinex ang mga Trophies ng Anak!

Ipinahayag ng ama ng award winning actress na si Nadine Lustre kung gaano siya ka proud father sa natamong tagumpay ng kanyang anak.

Ibinahagi ni Ulysses sa kanyang social media account ang ilan sa mga snaps ng mga achievements ng kanyang anak sa showbiz, pagkatapos na maiuwi ni Nadine ang Metro Manila Film Festival Best Actress plum para sa kanyang pagganap sa horror film na "Deleter."

“Waiting for the new one to come home. Thank you so much, fans and supporters. Don't stop believing,” pahayag nito sa caption.

Ipinagmamalaki din niya ang talento at pagsusumikap ni Nadine Lustre na nagbigay daan sa aktres na umunlad sa industriya kahit walang ka-love team.

“Congratulations, Ate! With real talent, hard work, and determination, you have proven that 'Love Teams' can be... Deleted,” dagdag pa ng ama ni Nadine.

Bukod sa Best Actress award na ibinigay kay Nadine, kasama rin sa 7-trophy haul ng “Deleter” ang Best Picture, Best Director para kay Mikhail Red, Best Cinematography para kay Ian Guevarra, Best Sound, Best Visual Effects, at Best Editing.