Naging mainit na usapin sa social media ang nalalapit na pagtatapos ng Darna TV-series sa ABS-CBN.
Ayon sa aming nakalap na impormasyon, nakatakda na ang pagtatapos ng ABS-CBN'S Mars Ravelo's Darna na pinagbibidahan ni Jane De Leon sa darating na January 27, 2023 matapos ang anim na buwan na pag-eere sa telebisyon.
Sa nalalabing tatlong linggo ng Darna, marami ang nagsasabing tila hindi ito pumatok o nakulangan ang ilang mga netizens sa Darna. Subalit agad naman itong inalmahan ng ilang mga tagasuporta at sinabing hindi naman nagtatagal ng taon ang isang fantaserye.
Papalitan naman ang Darna sa seryeng pinagbibidahan ni Coco Martin na FPJ's Ang Batang Quiapo. Ayon sa mga bulong-bulungan nag-umpisa na ang taping nito noong December 22, 2022. Makakasama naman rito ni Coco Martin sina Lovi Poe at Charo Santos.
Bagama't magtatapos na ang Darna TV series, agad naman umano itong ipapalabas sa isang free TV sa Indonesia.
Walang komento
Mag-post ng isang Komento
Share your opinion now!