Alex Gonzaga Humingi Na ng Paumanhin sa Waiter na Ipinahaya!

Ilang araw matapos mag-viral ang isang video clip ni Alex Gonzaga kung saan nagpahid siya ng cake icing sa isang waiter, personal nang humingi ng paumanhin ang vlogger at host sa server.

Ayon sa aming nakalap na impormasyon, ibinunyag ng server na si Allan Crisostomo na pumunta mismo si Alex Gonzaga sa kanyang trabaho noong Martes para humingi ng paumanhin sa nagawa nito sa kanya.

“Last January 17, 2023 around 6:30 PM nasa work po ako. Pumunta po si Ma’am Alex kung saan po ako nagwowork. Then nag apologize and nagsorry siya saken tapos konting kwentuhan at sinabi ko po sa kanya na ok na po yung nangyari. Ok na po kami,” pahayag ng waiter na nagpakilalang Allan Crisostomo.

Sinabi ng employer ni Allan Crisostomo na inilabas nila ang mga larawang ito bilang tugon sa maraming kahilingan para sa mga panayam sa media.

Ang pahayag ng waiter ay ibinahagi ilang oras matapos ilabas ng kampo ni Gonzaga ang panig nito sa pamamagitan ng publicist ng kanyang pamilya na si Peter Ledesma.