Muling namataan ang Kapamilya actor na si Coco Martin sa naganap na taunang traslacion ng Poong Nazareno nitong January 9, 2023. Hindi pa rin talaga naggmimintis ang aktor sa pakikipaglahok rito kasama na ang libo-libong deboto ng Poong Nazareno.
Namataan naman ang buong team ng Batang Quiapo cast sa unang taping nila para sa upcoming series na FPJ's Ang Batang Quiapo.
"Saludo at nagpapasalamat ako sa sipag at galing ng mga kapamilya ko sa Batang Quiapo. Ito po ang aming unang taping sa Traslacion 2023," caption sa ibinahagi nilang social media post.
Matatandaan na noon pa man ay deboto na si Coco Martin ng Poong Nazareno at palaging pumupunta sa Traslacion sa kabila ng nagsisiksikang mga deboto. Labis din pinasasalamatan ni Coco Martin ang Poon sa mga natatamo niyang biyaya sa kanyang buhay.
“Walang hanggang pasasalamat po sa Poong Jesus Nazareno sa lubos na biyaya, pagmamahal at pag gabay sa akin at sa aking buong pamilya. Higit pa sa aking hiniling noon ang binigay niyo sa akin ngayon,” ani Coco.
Naibahagi na rin ng aktor ang iba't-ibang karanasan niya sa pagdalo ng taunang traslacion ng Poong Nazareno. Ayon kay Coco hindi niya lubos maisip kung kakayanin ba niya ang paglangoy sa dagat ng mga tao na nais mahawakan ang Poon.
“Sabi ko sa sarili ko, ‘Kaya ko ba ‘to?’ Noong ginawa na namin ‘yun, hindi ko maipaliwanag. Sabi ko nga, first time kong naramdaman na lumangoy ako sa libu-libong tao hanggang sa nahawakan ko ‘yung Nazareno," paglalahad pa ng aktor.
Walang komento
Mag-post ng isang Komento
Share your opinion now!