Tila magiging bongga ang taong 2023 sa aktres na si Jane De Leon.
Bagama't inanunsyo na magtatapos na ang Darna sa darating na January 27, 2023 may natanggap namang good news si Jane.
Ang kanyang Darna series kasi ay ipapalabas sa Indonesia via free TV Channel na ANTV. Sa official page ng nasabing channel ipinalabas nila ang official trailer at teaser ng Darna na pinagbibidahan ni Jane De Leon.
Sa kasalukuyan ay hindi pa inihayag kung kailan opisyal na magsisimula ang pagpapalabas ng fantaserye sa Indonesia. Subalit, marami nang mga Indonesian viewers ang tila ba'y hindi na makapaghintay sa paglipad ni Darna sa kanilang bansa.
Marami naman sa mga tagahanga ni Jane De Leon ang nasiyahan sa balitang ito. Bagama't magtatapos na ito rito sa bansa ay todo suporta pa rin sila sa aktres.
Samantala, makikita sa Instagram account ni Jane De Leon ang kanyang taos-pusong pasasalamat sa mga taong naniniwala at patuloy na sinusuportahan siya sa kanyang career.
Walang komento
Mag-post ng isang Komento
Share your opinion now!