Tila wala nang makakapagpigil sa kauna-unahang collaboration ng ABS-CBN at GMA7.
Ngayong araw, ibinandera ng dalawang TV Network ang kanilang historic co-production collaboration in partnership with Viu Philippines. Ito ay para sa upcoming romantic-drama series na “Unbreak My Heart” na pagbibidahan ng mga Kapamilya stars na sina Joshua Garcia at Jodi Sta. Maria kasama ang mga Kapuso artists na sina Gabbi Garcia at Richard Yap.
Ayon sa pahayag ng dalawang network, ish-shoot ang nasabing pelikula sa Switzerland.
Naganap ang contract signing sa pagitan ng dalawang network sa ABS-CBN compound kasunod ang story conference para sa serye. Dinaluhan pa ito nina GMA Senior Vice-President for Programming, Talent Management, Worldwide, and Support Groups Atty. Annette Gozon-Valdes, ABS-CBN COO of Broadcast Cory Vidanes, at Viu Philippines Deputy Country Manager Vinchi Sy-Quia.
“It’s a first for Philippine TV and I’m sure it’s the audience that will be the winners in this collaboration. We’re very excited to be working with ABS-CBN on TV for the first time,” ayon kay Annette Valdes.
“We’re thankful for this opportunity and we’re very happy to work with GMA to serve our audiences. We unite as one team. We never imagined that this was going to happen,” sabi naman ni Cory Vidanes.
Maging ang direktor ng nasabing teleserye na si Emmanuel Palo ay sinabing magiging historic ang collaboration dahil tatangkilikin ito ng Kapuso at Kapamilya audiences.
Walang komento
Mag-post ng isang Komento
Share your opinion now!