Masayang ibinahagi ng showbiz columnist at talent manager na si Ogie Diaz ang latest photo ni Queen of All Media Kris Aquino habang nagpapagamot sa Amerika.
Ayon sa kaniyang Facebook post nitong Martes, January 3, 2023, ang litrato ay nagmula kay Batangas Vice Governor Mark Leviste sa pagbisita nito kay Kris Aquino sa Amerika.
“Latest photo of Kris Aquino, courtesy of Batangas Vice Gov. Mark Leviste,” mababasang post ni Ogie Diaz.
“Kris is gaining weight! Mabisa ang dasal ng mga nagmamahal sa kaniya, so keep on praying!” dagdag pa nito.
Agad naman itong umani ng iba’t-ibang reaksiyon at komento mula sa mga netizen. Labis na natutuwa ang mga tagasuporta ni Kris Aquino sa magandang progresong ito sa kanyang kalusugan. Lalo’t naging usap-usapan ang prediksiyon ng manghuhulang si “Mamu” na wala raw pag-asang gumaling ang TV host-actress-endorser sa kaniyang sakit.
Matatandaang naisyung nagde-date sina Kris Aquino at Mark Leviste noong 2021 matapos silang maispatang magkasama sa isang dinner.
Walang komento
Mag-post ng isang Komento
Share your opinion now!