Megan Young, Mikael Daez, balik ehersisyo pagkatapos kumain ng kumain noong holiday!

 

Tulad ng iba, ang mag-asawang celebrity na sina Mikael Daez at Megan Young ay naging matakaw sa masasarap na pagkain tuwing bakasyon. Ngunit dahil tapos na ang mga selebrasyon at bumalik na ang lahat sa kanilang pang-araw-araw na gawain, ang dalawa ay bumalik na rin sa pag-eehersisyo at pagiging fit.

Sa Instagram feed ni Megan, ibinahagi ng Miss World 2013 ang maikling clip nila ni Mikael na tumatakbo sa madaling araw.

Sa caption, isinulat niya, "“Boneezy and Fofo are running like madmen because we enjoyed the holiday a little too much. But I'm also motivated because there are some really nice running shoes that I want but I'll only get them if I actually run consistently.”

View this post on Instagram

A post shared by Megan Young (@meganbata)

Itinampok sa clip ang isang inaantok na si Mikael at isang hyper at energetic na si Megan na tumatakbo at nag-eehersisyo 5:30 ng umaga. Sa kanyang pagsasalaysay, inamin ni Megan, “Honestly, I'm not much of a runner and I love walking. But it's a nice challenge to have for the new year.”

Isa sa pinakakilalang New Year's resolution na ginagawa ng karamihan sa atin sa simula ng taon ay ang mag-ehersisyo at maging mas malusog.

Isang payo mula kay Megan, hikayatin ang iyong sarili sa pinakamabisang paraan. Gaya ng Kapuso actress at model na gumagamit ng ideyang bumili ng bagong sapatos para makapagpatuloy siyang abutin ang kanyang fitness goal.