Ipinagdiriwang ngayong myerkules, January 4 ng actor-host na si Vhong Navarro ang kanyang ika-46 na kaarawan.
Sa "It's Showtime," binati ng kanyang mga co-host na sina Ogie Alcasid, Amy Perez, Jugs Jugueta, Ryan Bang, Karylle, at iba pa ang aktor sa kanyang espesyal na araw.
"Lubos naming binabati ng isang maligayang kaarawan ang pinakamamahal naming pareng Vhong Navarro," pagbati ni Ogie Alcasid.
Sinegundahan naman ito ng ilan pang co-host ng It's Showtime.
Samantala, ipinahayag naman ng asawa ni Vhong Navarro na si Tanya Bautista ang kanyang pagbati sa kanyang Instagram account.
"My home. My world. Happy birthday! Prayed for the rest. I love you!," caption ni Tanya sa larawan ng aktor.
Nakasama ni Vhong Navarro ang kanyang pamilya at mga mahal sa buhay nitong holiday season nang makalaya siya pansamantala noong December 6. Pagkatapos ng halos tatlong buwang pagkakakulong kaugnay sa dati nang na-dismiss at ngayon ay muling binuhay na mga kaso ng panggagahasa na isinampa laban sa kanya ni Deniece Cornejo.
Walang komento
Mag-post ng isang Komento
Share your opinion now!