Itinaas ni Trade Secretary Alfredo Pascual ang investment registration target ng Board of Investment para sa taong 2023 sa likod ng matatag na pangakong nakuha sa mga International visit ni Pangulong Ferdinand Marcos Jr.
Ayon sa isang pahayag, iyon ay dahil sa malakas na pag-apruba sa pamumuhunan para sa buwan ng Enero pati na rin ang isang solidong pipeline ng mga lead sa pamumuhunan.
Kasama ang mga nabuo sa pagbisita ng Pangulo, tinaasan nito ang 2023 investment registration target ng Board of Investment mula 1 trilyong piso hanggang 1.5 trilyong piso.
Aniya, nagpapasalamat siya sa nasabing board sa masigasig na pagtanggap sa hamon na ito.
Pinasalamatan din niya ang Pangulo sa kanyang pagsisikap na isulong ang Pilipinas bilang Central of Sustainability and Innovation driven manufacturing and services sa bansa.
Ayon sa Presidential and Communications office o PCO, sinabi ni Pascual kay Pangulong Marcos na may kabuuang 160 proyekto na nagkakahalaga ng 62.926 billion US dollars o 3.48 trillion pesos ang nakuha mula sa kanyang paglalakbay sa ibang bansa.
Ito ay mula nang maupo sa pagkapangulo noong buwan ng Hunyo 30.
Dagdag pa rito, lumabas sa datos ng Department of Trade and Industry o DTI na inaprubahan ng Board of Investment ang 414.3 bilyong pisong halaga ng investment commitments noong Pebrero 9.
Sinabi ni Pascual na may potential investment leads pa ang Board na nagkakahalaga ng humigit-kumulang 344 billion pesos na ipoproseso.
Una sa lahat, binigyang-diin ng Department of Trade and Industry, Secretary Alfredo Pascual, na 80% hanggang 90% ng target ay maaaring maaabot bago ang kalagitnaan ng taong 2023.
Walang komento
Mag-post ng isang Komento
Share your opinion now!