Nilinaw ng Unkanbogable Star na si Vice Ganda na kahit wala siyang exclusive contract ng ABS-CBN ay hindi pa rin niya iiwan ang network na itinuturing na rin niyang tahanan.
"Kahit wala akong kontrata, hindi ako aalis."
Ipinahayag niya ito sa kanyang contract signing sa nasabing network nitong February 15, 2023 kung saan kasama niya ang ilang executives mula sa nasabing network.
“Ang daming mabibigat. Ang daming chaka. Ang daming madilim, pero mas madami ‘yung winnings,” pagdidiin ni Vice.
Samantala, sinupresa rin siya ng kanyang partner na si Ion Perez sa nasabing event upang magbigay ng mensahe para sa kanya.
“Congratulations sa’yo, Tuy. Kasama mo ko sa lahat ng pagsubok sa buhay, sa tawa, sa lungkot, alam mo na yun babe,” mensahe ni Ion.
Matapos ang contract signing, ay deretso naman ang lahat sa thanksgiving party na hinanda ni Vice para naman sa tagumpay ng kaniyang Metro Manila Film Festival entry noong nakaraang taon na “Partners In Crime” kung saan bumida sila ng aktres na si Ivana Alawi.
Walang komento
Mag-post ng isang Komento
Share your opinion now!