Isiniwalat ni Manay Lolit Solis sa kanyang Instagram post na may mga tao umanong naglalayong pabagsakin ang career ng Kapuso actor at Pambansang Bae na si Alden Richards.
Ayon kay Lolit Solis, handa umanong gawin ng mga taong ito ang anumang paninira para lamang mapasama ang image ng aktor.
Subalit hindi na umano ito kagulat-gulat dahil normal na lamang ito sa mga taong nasa itaas na may pilit na humihia sa kanila pababa.
“Talagang pag solid na ang kinalalagyan mo, marami ang gustong guluhin ang paligid mo Salve. Tulad na lang ni Alden Richards na kung anuano ang mga sinasabi ng mga taong gustong sumira ng career niya,” saad ng kolumnista.
Gayunpaman, malaki ang paniniwala ni Manay Lolit Solis na kahit anong gawin ng mga taong naninira sa aktor ay hindi nito mapapabagsak dahil napakabuting tao ni Alden.
“Si Alden Richards ay isang mabuting tao na hindi kaya itumba ng mga issue dahil lalabas at lalabas kung ano ang tutoo. Makikita mo lagi ang good intentions sa mga ginagawa ni Alden,” pahayag pa ni Lolit Solis.
Kaya naman dapat na lamang umanong itigil ng mga taong ito ang kanilang paninira sa kay Alden Richards.
“Dapat lang sa mga taong gusto sumira kay Alden na huminto na dahil hindi sila mananalo. Mananatiling matatag at matibay si Alden Richards. He will still go a long way, kaya tigilan na ng mga walang magawa.”
Walang komento
Mag-post ng isang Komento
Share your opinion now!